NO TO CONASS!!!

Bad trip lang talaga! Sa sobrang inis ko sa gobyerno, napilitan akong i-post ito sa blog ko:

Makisama. Makibaka. Huwag hayaang maulit sa ating henerasyon ang nangyari sa mga magulang natin noon!!!

UFC 97: Silva vs. Leites

Hindi ako madalas manood ng Ultimate Fighting Championship (UFC) na live telecast pero inaasahan ko naman na kapag nanood ako eh gaganahan ako. Nakakainis lang na itong nakaraan na UFC 97 eh talagang naging super boring lalo na yung main event. Tinuring pa namang main event… olats pa! Bad trip!

Ang main event kasi ng UFC 97 ay si Anderson “The Spider” Silva laban kay Thales Leites. Parehong taga-Brazil. Parehong magaling sa suntukan. Parehong mautak. Kaya naman inasahan kong magiging maganda ang laban nila, lalo na’t si Silva ay talagang napakahusay sa mga ganitong klaseng bakbakan. Yun pala, ang makakalaban ni Silva ay isang lampang gulay na mas gusto pang nakahiga kaysa makipag-bakbakan.
(more…)

Know1ng

Aminado akong mahina ako pagdating sa mga numero. Noon pa man, hindi ko talaga nahiligan ang mga numbers kaya naman nagtuon ako ng pansin sa pagsusulat. Pero para kay Nicolas Cage sa palabas na “Know1ng”, ang mga numero ang naging susi para malaman niya ang katotohanan sa kanyang kapaligiran.

Maganda ang kuwento ng “Know1ng”. Kung ikaw ang tipo ng tao na mahilig sa usapang agham at relihiyon, tiyak na kagigiliwan mo ito. Pero kung ikaw naman ay medyo matatakutin, tiyak na matutuwa ka din dito kasi may mga eksena siya na parang “Final Destination”.

(more…)

Axe Dark Temptation

Nakakatuwa ang konsepto ng mga gumagawa ng pabango. Lahat na ata ng amoy ay nagawa na ng mga kompanyang ito. May mga pabango na gagawin kang mala-anghel sa bango. Meron din namang parang bagong tubong bulaklak ang aroma. Kulang na lang ay gumawa sila ng pabango na mangangamoy gasolina ka at maa-adik sa iyo ang mga adik…

Hindi nagpahuli ang Axe sa paggawa ng mga kakaibang amoy. Heto nga’t naglabas na naman sila ng bagong fragrance na tinatawag nilang “Dark Temptation”. Kapag nag-spray ka nito sa iyong katawan, magiging mala-tsokolate ang iyong amoy. Opo, tsokolate ang magiging ka-amoy mo. Lahat ng makaka-amoy sa iyong tsikas ay ihahambing ka sa isang tsokolate. Pati mga langgam, tsokolate din ang tingin sa iyo.

(more…)

Tokyo Tokyo

Dahan-dahan na tayong sinasakop muli ng mga dayuhan hindi sa pamamagitan ng puwersa kundi sa pamamaraan ng pagkain. Kung inyong mapapansin, lahat na ata ng klase ng putahe mula sa buong mundo eh matatagpuan na sa Pilipinas. Meron nang mga tsibog na galing sa Tsina at Amerika. Meron na ding galing sa Pransya, Italya at India. Siyempre, hindi rin nagpahuli ang mga Hapon.

Isa sa pinakatanyag na Japanese restaurant sa bansa ay ang Tokyo Tokyo. Tulad ng karamihan ng mga restaurant sa Pilipinas, semi-fastfood style ang service sa tsibugang ito. Bale magbibigay ka muna ng order sa counter tapos dadalhin ng mga waiter ang pagkaing binili mo. May kasarapan ang pagkain nila kaya naman hindi nakakagulat na maraming tao ang nagpupunta dito.

(more…)

Bitag

Sa ilang buwan kong pamamalagi dito sa bahay, ako’y nahumaling sa panonood ng Bitag tuwing pagkagising ko. Ang Bitag ay isang palabas sa telebisyon na pinangungunahan ni Ben Tulfo at tumatalakay sa mga isyung hindi gaano natutuunan ng pansin sa ibang palabas na pang-balita. Sa mga mahihilig sa maaksyong tagpo, ito ang palabas na para sa inyo.

May mga kasamahan si Ben Tulfo sa kanyang grupo at gumagawa sila ng iba’t-ibang pamamaraan para maipagtanggol ang mga nagsusumbong sa kanila. Undercover ang istilo ng kanilang operasyon kaya’t nagugulat na lang ang mga taong binabantayan nila kapag may bigla na lang magpo-posas sa kanilang mga pulis.

(more…)

ULITAN!!!

Takte! Ilang buwan din akong hindi nakapag-post sa blog ko! Na-miss kong magsulat dito!!! Waahhh!!!

Sobrang hectic kasi ng buhay nitong mga nakaraang buwan. Ang dami kong ginagawa araw-araw kaya’t pati ang pagsusulat ko eh hindi ko na naasikaso.

Hindi na ako nakakapag-rebyu. Sayang, ang dami pa namang mga kaganapan na nangyari at ang daming bagay na aking nakita at napuna. Sayang talaga.

Kaya ngayong bagong taon… 2009… ULITAN!!!

Uulitin ko ang pagsusulat dito… uulitin ko ang blog na ito… babaguhin ko ang format para mas madaling magsulat. Hindi ko aalisin ang mga dati kong entry para sa mga hindi pa nakakadalaw dito.

Pero aayusin ko na ulit ang pagsusulat… maglilinis ako ng site para kaaya-aya naman sa mga bagong mambabasa. Hayy… nakaka-miss!!!!

* May gusto ka bang ipa-rebyu? Magpadala lang ng email sa taglish.rebyu @ gmail . com * 

Filipino Poker Tour Media and Bloggers Night

Kategorya: Pangyayari
Klase: Palaro
Pangalan: Filipino Poker Tour Media and Bloggers Night

Matagal nang sikat ang laro na Poker sa buong mundo. Sa sobrang kasikatan nga nito eh naipapalabas pa ang mga laban nito sa TV. Kaya naman nakakatitiyak ang marami na naging tanyag din ang larong ito sa Pilipinas, kung saan ang namamayagpag na larong baraha ay Pusoy Dos at Tong Its (pwede ring Unggoy-Unggoyan sa mga bata).

Ngayong gabing ito ay ginanap ang isang Filipino Poker Tour Media and Bloggers Night. Dahil naimbitahan kami ng Honey ko ng kagila-gilalas na si Peter Juan, kami ay hindi tumanggi na sumali sa salo-salo. Siyempre, paminsan-minsan ka lang makakalaro ng Poker na talaga namang competitive di ba?

(more…)

Timezone

Kategorya: Lugar
Klase: Laro
Pangalan: Timezone

(Litrato mula sa Wikipedia)

Ang mga arcade ang isa sa pinakasikat na lugar na pinupuntahan ng mga tao tuwing nagagawi sila sa mall. Mapa-bata man o matanda, may mga laro na babagay talaga. Lahat ng arcades ay may kanya-kanyang gimik at para sa Timezone, ang kanilang “Powercard” ang nagliliban sa kanila sa iba pang arcades sa Pilipinas.

Karamihan kasi ng mga arcades ay de-token. Bale bibili ka ng tig-limang piso (o sais) na token tapos yun ang gagamitin mo para makapaglaro. Sa Timezone, isa-swipe mo lang yung Powercard tapos makakasimula ka na. Ang maganda pa sa Timezone eh alagang-alaga ang mga games nila kaya naman sulit ang bawat swipe ng card.

(more…)

Clear

Kategorya: Bagay
Klase: Shampoo
Pangalan: Clear

Dati ay wala akong paki-alam sa brand ko ng shampoo. Para kasing lahat sila ay pare-pareho lang na nakakatanggal ng balakubak sa ulo. May kanya-kanya pa silang erehan na kesyo sila daw ay mas mahusay dun sa isa pagdating sa ilang aspeto. Dahil alam ko naman na pare-pareho silang may ibubuga, hindi ko na lang masyado inintindi kung anong klaseng shampoo ang mapasa-kamay ko.

Pero nung napakilala sa akin ng Honey ko ang Clear, nag-iba ang pananaw ko sa ibang mga shampoo. Para bang ang Clear lang ang talagang naka-alis ng balakubak ko. Hindi ko alam kung anong meron sa shampoo na ito (sabi sa commercial “Zinc Vitanol” daw) pero talagang nakaka-alis nga siya ng balakubak. Ngayon, mas guwapo na tuloy ako kay Rain.

(more…)

Boston Celtics

Kategorya: Tao
Klase: Koponan
Pangalan: Boston Celtics

(Litrato mula sa Wikipedia)

Muli na naman pong naging kampeon sa NBA ang Boston Celtics! Opo, ngayong araw na ito ay napanalunan ng Celtics ang kanilang ika-17 titulo sa pamamagitan ng pagpapatumba sa Los Angeles Lakers. Siyempre, masayang-masaya na naman ang mga tao sa Boston, lalo na’t ang huli nilang kampeonato ay noong panahon pa ni Larry Bird.

Pero mas masaya ang mga kasalukuyang manlalaro ng Boston, partikular na sina Kevin Garnett, Ray Allen at Paul Pierce. Bago mag-simula ang season, meron silang matinding pagkaka-pareho: matagal na sila sa liga pero wala pa rin silang championship. Ngayon, nakamit na nila ang tugatog ng tagumpay.

(more…)

Manok

Kategorya: Hayop
Klase: Alaga
Pangalan: Manok

(Litrato mula sa Wikipedia)

Ah, manok. Ang hayop na alagang-alaga dito sa Pilipinas. Iba-iba kasi ang puwedeng paggamitan ng manok kaya naman lahat ata ng tao eh gusto nito. Puwede siyang alarm clock (na minsan wrong timing dahil kung tumilaok eh minsan nasa bandang ala-una ng madaling araw). Puwede din siyang pagkain (minsan binibili pa siya sa isang bucket). At siyempre, puwede siyang pagkakitaan (lalo na kung ilalaban mo siya sa sabong).

May mga taong mahilig talagang mag-alaga ng manok. Yung mga kapitbahay nga namin dito eh laging may alagang “Texas” para ilaban nila sa sabong. Kaya minsan eh nagigising ako pag tumitilaok sila sa alanganing oras. Dito kasi sa bahay, ang manok ay tinuturing naming ulam, lalo na kung sangkap siya sa tinola.

(more…)

Free Rice

Kategorya: Website
Klase: Pang-kawanggawa
Pangalan: Free Rice

Malamang naka-connect ka sa Internet habang dinadalaw mo ang site na ito. Malamang na bago ka mapadpad dito ay nagbabasa ka ng email o nagche-check ng Friendster o Multiply. Baka din nagda-download ka ng kung anu-ano sa Web. Pero kung trip mong makatulong sa mga naghihirap sa mundo sa pamamagitan ng paglalaro, baka trip mong dumalaw sa Free Rice.

Matatagpuan ang Free Rice sa http://www.freerice.com. Simple lang naman ang nais niyang gawin mo: sumagot ka lang ng vocabulary words. Sa tuwing makaka-tama ka ng sagot, magdo-donate ang site ng 20 butil ng bigas sa mga nangangailangan nito sa mahihirap na sulok ng mundo. Biro mo, dumami na ang English mo, nakapagpakain ka pa sa mga mahihirap! Isa kang bayani!

(more…)

Scrabble

Kategorya: Bagay
Klase: Laro
Pangalan: Scrabble

(Litrato mula sa Wikipedia)

Double Word Score. Triple Letter Score. Kung pamilyar ka sa mga katagang ito, malamang eh naglalaro ka din ng Scrabble. Bale ito yung laro kung saan kukuha ka ng pitong letra at pipilitin mong makabuo ng salita sa mga letrang nabunot mo. Parang madali lang pero sa totoo lang eh saksakan ng hirap, lalo na sa end game.

Magandang laro ang Scrabble lalo na pag Linggo at wala kayong magawa ng pamilya. Kung ikaw ay nasa high school at pataas, tiyak na patok na patok sa iyo ang Scrabble. Maipapakita mo sa iyong mga magulang na mas magaling ka sa English kaysa sa kanila. At kung matalo ka naman nila, puwedeng-puwede kang maghamon ulit at magpakitang-gilas.

(more…)

Zirkoh

Kategorya: Lugar
Klase: Patawa
Pangalan: Zirkoh

(Litrato mula sa RealTravel)

Likas na masayahin ang mga Pinoy. Dahil na rin siguro sa hirap ng buhay kaya gumagawa ang mga Pinoy ng samu’t-saring paraan para makapag-libang. Ito ang nag-udyok para sa ibang tao na magtayo ng comedy bars. Si Allan K. ay isa sa mga taong nag-labas ng pera para gamitin sa isang comedy bar. At dito nabuo ang Zirkoh, isa sa pinakamasayang lugar sa Pilipinas.

Nakaka-ilang balik na rin ako sa Zirkoh at hanggang ngayon ay hindi pa rin ako nagsasawa sa mga patawa nila dito. Mga badingski ang hosts sa lugar na ito at sila ang nagdadala ng saya sa mga manonood. Medyo malaswa nga lang minsan ang mga jokes nila pero patok na patok talaga ito sa mga tao. Kakaiba para sa isang sarado-Katolikong bansa.

(more…)

Final Fantasy

Kategorya: Bagay
Klase: Laro
Pangalan: Final Fantasy

(Litrato mula sa Wikipedia)

Kung ikaw ay lumaki sa mga video games, malamang ay alam na alam mo ang serye na “Final Fantasy”. Tulad ni Mario, ang Final Fantasy ay institusyon na sa larangan ng video games. Ayon sa aking pagre-research, nailigtas ng Final Fantasy ang pagka-bangkarote ng Squaresoft noong 90s. At ngayon, isa na itong franchise na mahigit ilang milyon ang presyo.

Maganda kasi ang mga naiisip na kuwento sa Final Fantasy. Isa itong “role-playing game” o RPG kung saan ang manlalaro ay may kakayahang gumamit ng iba’t-ibang tauhan para matalo ang kalaban. Sa tinagal-tagal ko na ng paglalaro ng mga video games eh paborito ko pa rin talaga ang Final Fantasy. Nalilibang ako nito at dahan-dahang kinakain niya ang oras ko.

(more…)

Jackie Chan

Kategorya: Tao
Klase: Artista
Pangalan: Jackie Chan

(Litrato mula sa Wikipedia)

Sikat na sikat si Jackie Chan hindi lang sa Asya kundi pati sa buong mundo. Kakaiba kasi ang istilo niya sa paggamit ng martial arts. Biruin mo, siya ang gumagawa ng sarili niyang stunts. Kaya naman kung magkamali siya, tiyak na disgrasya ang bida. Ito rin ang dahilan kung bakit patok na patok ang mga palabas niya.

Napapadalas ang panonood ko ng mga pelikula ni Jackie Chan dahil na rin sa uncle ko na mahilig sa “kung fu”. Habang kumakain ako ng tanghalian eh nagsasalang ako ng DVD ni Jackie Chan at sabay kaming nanonood sa sala. Ayun, pati ako eh natutuwa din sa napapanood ko kaya’t inaabot ng dalawang oras ang pananghalian ko.

(more…)

Cecon

Kategorya: Bagay
Klase: Gamot
Pangalan: Cecon

Daig ng nag-iingat ang pabaya, lalo na sa mundo ngayon. Tayo ay napalilibutan ng iba’t-ibang mapanganib na elemento tulad ng polusyon, usok ng yosi, sakit mula sa ubo, at kung anu-ano pa. Para mapangalagaan ang sarili at para mapatibay ang resistensiya, kinakailangan nating uminom ng bitamina. Para sa akin, ang pinakamainam na bitamina ay ang Cecon.

Bale Ascorbic Acid lamang ang Cecon. Hindi siya tulad nung ibang multivitamin na kumpleto mula A hanggang Zinc. Gayunpaman, sapat na sa akin ang Cecon para sa aking pang araw-araw na buhay. Hindi naman ako nagkaka-sipon. Hindi rin naman ako madalas magkasakit. Mahusay ang Cecon lalo na kung sasamahan mo pa ito ng tamang pagkain at ehersisyo.

(more…)

Bigote

Kategorya: Bagay
Klase: Pang-katawan
Pangalan: Bigote

(Litrato mula sa Wikipedia)

Suwabe! Yan ang naaalala ko pag nakakakita ako ng malupit na bigote. Marahil dulot ito ng awiting “Mr. Suave” ng Parokya ni Edgar kung saan ikinukuwento nila kung bakit astig ang taong may bigote. Pero bakit nga ba may mga lalaki na matindi ang pagpapatubo ng bigote?

Naaalala ko lagi si Erpats pag pinag-uusapan ang bigote. Ito kasi ay parang marka niya. Kahit kami dito sa bahay eh naninibago pag inaahit niya ang bigote. Mas suwabe si Erpats pag may bigote. At tulad ng ibang tao, mas bagay sa kanila ang may bigote kesa sa wala.

(more…)

Mr. Quickie

Kategorya: Serbisyo
Klase: Pang-sapatos
Pangalan: Mr. Quickie

(Litrato mula sa Mr. Quickie site)

Ilang beses mo nang naranasan na masiraan ng sapatos sa maling pagkakataon? Ako nakaka-ilang beses na din. Ang mga pinaka-nakakahiyang kaganapan sa buhay ko ay konektado sa pagkakatanggal ng suwelas ng sapatos ko. Nasira na ang sapatos ko habang pasakay ako ng jeep at nung papunta kami ng Tagaytay ng Honey ko. Gayunpaman, hindi ako nawalan ng pag-asa na maaayos ang sapatos ko.

Alam ko kasi na kayang-kayang ayusin ng Mr. Quickie ang aking sapatos. Subok na subok na sa aming pamilya ang serbisyo ng Mr. Quickie. Halos ilang sapatos na namin ang naidikit at natahi sa mga tindahan ng Mr. Quickie. At, tulad nga ng pangalan nila, mabilis talaga ang kanilang serbisyo. Parang quickie lang talaga… ipasok mo lang at mamayang konti, ilalabas mo na!

(more…)